粉紅水門雞 (中海日升中心) (已結業)

今日行开观塘工厦行街，路过顺路过来食人气十足的水门鸡饭。论价钱相当经济，食物方面贵精不贵多，味道唔错，ＣＰ值相当高，唔怪得人气咁旺。青木瓜沙律 $12份量唔多作为前菜都可以，青木瓜丝爽口入味，味道酸辣开胃。酸酸辣辣凤爪 $18无骨凤爪有几只，同样好入味，都是泰式酸辣味道，仲有不少洋葱。粉红水门鸡饭 $36鸡肉嫩滑去左骨，食起上来啖啖肉，配以鸡油饭香口美味，饭量唔少，饭粒粒分明干身唔油腻好食。仲有两种酱汁可醮，味道酸酸辣辣。正宗卤水猪手饭 $ 36猪手好淋好入味，一点也不肥腻，卤水汁甜甜地，捞饭食一流，仲有腌菜和流心蛋，正呀～芒果糯米饭 $18糯米饭少有的黑白双色，两种口感烟韧软熟，配上清甜的芒果加上椰汁，作为甜品的确唔错。冻香茅柠檬薏米水 $12 饮品健康之选，消暑清热又可去湿去水肿，清清地饮啖几舒服。陈年柑桔蜜 $12柑桔果味芳香，饮落酸甜开胃几好。