泰金國 (已搬遷) 新店位置

如果唔系朋友介绍都唔知九龙城有间咁嘅好嘢。闻说呢间野又系好旺场，所以早一日whats app去订定位先。果日同同事一收工就飞的去，去到揾来揾去，终于揾到，就系公园仔对面，6点半去到仲未开门，只见店员仲喺度剥紧洋葱。准时7点开门了，睇门面以为好细，原来内有干坤，隔离连住一间舖仔嘅，装修非常简单，胜在冷气够冻。开门只系10分钟就坐满人了，只有2个侍应，所以佢地好忙，忙起嚟态度就自然...点了青木瓜沙律、生虾、泰式乌头、泰式炒通菜、唔记得咩野炒饭、冬阴公、再加枝singha啤,例牌的泰菜青木瓜沙律，不过不失啦、略嫌不够香口。冬阴公汤都好正宗，味浓料够。生虾简直无得输，够大只厚身，肉质弹牙，厨师好野,炸埋个虾头唔好浪费，送酒一流。我都好欣赏碟泰式乌头，乌头里面夹左好多香茅，烧乌头本身已经香口再配埋香茅味，简直一流。但系可能呢d地方叫炒饭有点唔夹，炒饭湿立立，配腊肠，真系好一般，无谓浪费quota，大家都食剩晒。炒通菜，不错。最重要系埋单先最惊喜，咁食法都系大约480蚊，4个人食，每人只系120蚊，开心到笑，唯一唔好就系人太多，侍应见我地食完喺度吹水，就走嚟讲话唔好意思，出面好多人等位呀，果然一