影片
更多
2015-12-02
1417 浏览
今晚同屋企人特登山长水远黎到布袋澳食海鲜，是因为老爸的一句说话。原来佢退休之前，公司曾经嚟过布袋澳食饭，不过佢𠮶次有事去唔到，令佢耿耿于怀，今次就等我呢个孝顺仔帮佢完成心愿啦！我地系黄昏入到黎，由于是平日，初时都唔系好多人，我哋唔使等位就有位，先去咗附近码头行一阵影吓相然后再去佢个鱼缸拣海鲜。我地最后拣咗南非鲍鱼、海虾、墨鱼、圣子同埋扇鲍鱼有大连同南非两只，虽然南非嘅价钱比较贵，但系就大只好多，而且店员推介，所以我哋拣咗南非。食嘅时候真系唔觉得冇拣错，啖啖肉而且非常鲜味，加上陈皮独有嘅香味，真系色香味俱全！店员另一推介系墨鱼，只只游水非常新鲜，店员话呢间餐馆系墨鱼专家，叫我地一定要试吓。我哋最后拣咗一只普通size嘅，用椒盐煮法。侍应攞出嚟嘅时候，真系吓我哋一跳，估唔到细细只嘅墨鱼，可以煮出咁多份量嘅椒盐墨鱼，而且食落真系每一条都好有口感、好香口、好弹牙，值得推介！最后想介绍大家试吓呢度嘅海虾，虽然其貌不扬，但系咬落去就知道分别所在，同养虾有本质上的分别，新鲜、弹牙，而且香味与别不同，真系食过返寻味！至于另外选咗嘅扇贝同埋圣子就相形见绌，可能之前食个三样嘢都太好味，所以呢两样就比较普通
我地最后拣咗南非鲍鱼、海虾、墨鱼、圣子同埋扇鲍鱼有大连同南非两只，虽然南非嘅价钱比较贵，但系就大只好多，而且店员推介，所以我哋拣咗南非。食嘅时候真系唔觉得冇拣错，啖啖肉而且非常鲜味，加上陈皮独有嘅香味，真系色香味俱全！
店员另一推介系墨鱼，只只游水非常新鲜，店员话呢间餐馆系墨鱼专家，叫我地一定要试吓。我哋最后拣咗一只普通size嘅，用椒盐煮法。侍应攞出嚟嘅时候，真系吓我哋一跳，估唔到细细只嘅墨鱼，可以煮出咁多份量嘅椒盐墨鱼，而且食落真系每一条都好有口感、好香口、好弹牙，值得推介！
最后想介绍大家试吓呢度嘅海虾，虽然其貌不扬，但系咬落去就知道分别所在，同养虾有本质上的分别，新鲜、弹牙，而且香味与别不同，真系食过返寻味！
至于另外选咗嘅扇贝同埋圣子就相形见绌，可能之前食个三样嘢都太好味，所以呢两样就比较普通平凡，不值一提。
最后一点，就系走嘅时候发觉唯一𠮶个小巴站，排着长长嘅人龙，我哋估计起码要等一个钟头先至有车，系徬徨嘅时候，竟然出现咗一架的士系我哋面前落客，我地即刻冲上前上车走。真系好采！但系又发觉呢度食饭如果冇车真系好唔方便。（后记：原来食满某个价钱可以搭餐厅的专车出坑口，但店员没有主动告诉我们，帮我地问嘅时候又话已经无位，呢点系有啲令人失望！）
张贴
