生記滷味

营业中

休息中

琴日同朋友去何文田揾食 行行下发现左有间专食卤味既铺头就谂住试下。 一埋位就黎左碗例汤，系萝卜瘦肉汤。萝卜清甜冇渣又好淋，冇牙都食到! 入面卤味都多选择，又有得净拣鸡饭，鸭饭38蚊同鹅饭50蚊双拼加两蚊。又有猪头肉猪脷d平时少见既𩠌拣都几抵食。我叫左个鸭拼猪脷饭，朋友叫左个鹅拼猪颈肉饭，猪脷比想像中硬，要咬耐d。但朋友食过觉得好食过平时d牛脷，佢话之前试过牛脷接受唔到，今次觉得猪脷几好食。 鸭就普通水准，不过不失。 反而鹅就真系出色，虽然d皮厚左小小，带点油腻，但肉质结实。整体黎讲中意食卤味既人下次可以试鹅同猪脷。