鳳城酒家

营业中

休息中

北角凤城不经不觉食了十多年, 虽然比上不足, 但亦比下有余. 水准有起有落难免, 但也不失为有特色的好食肆. 因为多年来同班伙计熟落晒, 所以服务方面从来无问题. 其实伙计都系人, 佢地都有顶唔顺既时候, 会流露真性情, 在此类传统酒楼, 都无可能要求佢地好似酒店侍应咁"专业". 你对佢地好啲, 佢地都无理由同你过唔去.讲番食经, 佢地呢四五年招牌炸子鸡一直特价, 嚟到唔食就唔抵, 食得太多又食到厌, 不知不觉近期就反而嚟少咗.今晚同班老友一行六人嚟食晚饭, 有小别重逢既感觉. 炸子鸡一向都得, 皮脆肉嫩又入味(有图为证), 可以收货. 其它菜色有:大良炒鲜奶- 杬仁好香口, 鲜奶亦唔错, 略嫌粉多了一点.家乡炒鱼崧- 鲮鱼崧加菜粒花生同炒, 味道一流有口感, 家人最喜欢小菜之一.椒盐豆腐- 凤城用既豆腐时常都几好, 有清甜豆香味, 用嚟椒盐外脆内软, 掂! (佢地既红烧豆腐都好得㗎.)中式牛柳- 当然唔系靓牛扒一级但都可以, 唔会鞋唔会韧, 汁甜甜酸酸开胃, 饭都食多碗.金银贵鱼卷- 略为失望, 可能桂花鱼本身肉质就唔好, 鱼肉欠结实, 唔好食. 生鱼卷可能会好啲, 但无特价...饭