合和荳品

营业中

休息中

星期六同男友去铜锣湾行街，行完时代广场，行到脚有啲软，肚又有啲饿，仲要落紧大雨，所以系时候揾间餐厅食少少野坐下，时代个food court又坐满晒人，所以上左Openrice 见到时代后街有衣间荳品店，又有咁多好评，所以就试下。初初去到间舖无乜人，仲可以比我地拣位坐，点知坐坐下，愈黎愈多人，最后坐满晒，我地好好彩竟然唔驶等位。我叫左个煎酿豆腐，佢就叫左个姜汁豆腐花。我个煎酿豆腐即叫即做，上枱时又热又香，啲豆腐煎到岩岩好，表面金黄色，咬落去外脆内软，鱼肉够新鲜无腥味又弹牙👍🏻，一碟四件大大件酿豆腐，结果食唔晒，要分啲比男友食。佢果碗豆腐花，佢就话啲豆花又软又滑好正，姜汁又唔会好辣㖞，见佢最后食到一滴汁都无得剩，应该真系好好味，下次我会再去试过佢个豆腐花。