影片
更多
2015-10-25
1503 浏览
老老窦窦，传统市区食个Burger闲闲哋百二蚊起跳，呢度四五十蚊有个，加埋薯条汽水都系加十二蚊，份量同样十足，味道更有之而无不及。招牌型男汉堡，英文名叫Aussie Burger, 有理由相信店主或厨师系澳洲仔，本人身为邻国纽西兰嘅代表当然要试一试。爆汁百分百牛肉，流心煎蛋、红菜头、蕃茄、浓味酱汁。喺纽西兰都食过夹红菜头嘅鸭肉汉堡，都无特别考究呢种食法系咪南太平洋独有，但点之前会有啲担心会有𠮶啲鑵头红菜头嘅呕心味道或过湿。好彩佢个红菜头切得好薄，一两小片，用红菜头独特嘅甜味点缀浓味多汁嘅牛肉同酱汁，味道都几配合同清新。正!!! 必点推介!!! 顺带一提，店内无论侍应、厨师定咖啡师都的确几型仔。餐牌上其他汉堡就比较正路，都系洋葱芝士生菜，只系一个配磨菇，一个配烟肉，一个配酸瓜，我哋选择咗配酸瓜嘅经典汉堡。同型男汉堡一样，都有爆汁牛肉，个酱好浓，又嚟点薯条都好正。但相对之下型男比较有特色。炸鱼薯条，用我老家纽西兰嘅鳕鱼, 而fish n chips亦系纽西兰名菜之一。食物其实真系睇个样就知好唔好味，一睇个色就知overcook, 我坚系未见过炸到咁黑嘅fish n chips, 零肉汁。唯
招牌型男汉堡，英文名叫Aussie Burger, 有理由相信店主或厨师系澳洲仔，本人身为邻国纽西兰嘅代表当然要试一试。爆汁百分百牛肉，流心煎蛋、红菜头、蕃茄、浓味酱汁。喺纽西兰都食过夹红菜头嘅鸭肉汉堡，都无特别考究呢种食法系咪南太平洋独有，但点之前会有啲担心会有𠮶啲鑵头红菜头嘅呕心味道或过湿。好彩佢个红菜头切得好薄，一两小片，用红菜头独特嘅甜味点缀浓味多汁嘅牛肉同酱汁，味道都几配合同清新。正!!! 必点推介!!! 顺带一提，店内无论侍应、厨师定咖啡师都的确几型仔。
餐牌上其他汉堡就比较正路，都系洋葱芝士生菜，只系一个配磨菇，一个配烟肉，一个配酸瓜，我哋选择咗配酸瓜嘅经典汉堡。同型男汉堡一样，都有爆汁牛肉，个酱好浓，又嚟点薯条都好正。但相对之下型男比较有特色。
炸鱼薯条，用我老家纽西兰嘅鳕鱼, 而fish n chips亦系纽西兰名菜之一。食物其实真系睇个样就知好唔好味，一睇个色就知overcook, 我坚系未见过炸到咁黑嘅fish n chips, 零肉汁。唯一可取系个他他汁好浓蒜味，同样点薯条一流。
白汁蘑菇肉肠意粉，味道偏浓，质素其实比好多cafe好，只系burger太出色，相对之下佢就只能变成配角。
热情果芒果香橙果茶，其实都系茶包，但卖相也太可爱了吧！利申兔奴一名。
咖啡，拉花同咖啡羹都靓到哗一声，赏心悦目。
抹茶milkshake, 好有趣地餐牌喺打milkshare, 都唔知有心定无意，但如果有人同你share, 都几温馨呀。隐世转角小店，街坊价钱平易近人。有室外位，可带动物同食烟。所有waiter waitress 靓仔靓女，认真工作，细心亲切。难怪成日爆场，最夸张有一次我阿哥晚饭时间去到全部沽清，真系好强劲。感觉荃丰四度空间商场有望成为继路德围后荃湾新食街。
张贴
