Cafe Paradise (砵蘭街) (已結業)

热情果沙冰清新嘅果香，配搭奶香，整体口感顺滑，而且都唔算易溶，食到最后都仲饮到有沙冰。水蜜桃花茶个颜色有啲似洛神花茶，一开始仲以为上错左，但一饮就知冇错，花茶有浓浓嘅蜜桃香气，味道酸酸甜甜，好解腻，而且份量好多。虽然有火一直温住啲茶，但饮到最后都完全唔会涩或者太酸，由食正餐前到食完都可以饮住一壶暖暖嘅茶，个胃好舒服。南瓜浓汤通常餐汤都系普普通通嘅水准，但呢个南瓜浓汤俾到惊喜我！汤唔会太浓或淡，口感唔错，南瓜味又几香，系会令人想再饮多碗。帆立贝墨鱼汁烩意大利粉呢个粉食到我成口都黑晒，但系值得我不顾仪态咁去食，每一啖都食到脆啵啵个嘅蟹子，鲜、香、咸，食到意犹未尽。烟三文鱼黑松露海虾天使面烟三文鱼同虾都发挥正常水准，而个sauce系令人觉得有惊喜。黑松露味好浓郁，配埋天使面真系好好味，啖啖都好creamy，配埋杯酸酸嘅花茶，又唔会觉得腻。但可能因为饮晒成个南瓜汤，而呢个本身都几creamy，而且分量都唔少，所以到后面唔系好食得晒份面。