松山素食 (已結業)

我系中环返工，有同事介绍上要地铁站附近有一档又平又好食的 斋菜，中上环区$30有2𩠌1汤，$33有3𩠌1汤，有8个𩠌可以楝，真系平到冇朋友。仲要系好食，健康，唔油腻，真心推介！由于武肺嘅关系，外卖是常识吧！外卖送到公司只需加2/3蚊（视乎两𩠌定3𩠌）。如果想出街行下，可以先用电话落order，再黎攞，咁就可以避免多人系铺头门口等攞饭盒。今日我哋两个都叫左3𩠌，啲𩠌超多， 冚住晒啲饭。食物质素好唔错，有镬气，黑椒素鸡丝茄子好入味，唔会因为冇肉而失色，而且一啲都唔油腻，推介！椒酱杂果素肉好好食，酱汁味道有层次，又有咬口，必食！我哋加左$12要素刺身野菜蛋沙律，啲刺身劲真，好过瘾，下次要自己食一盒先够。