天誠冰室

营业中

休息中

天诚冰室隐身喺牛头角道一列住宅大厦当中其中一条毫不起眼嘅横巷入面，如果唔系街坊，其实要揾都唔算容易。叫得冰室，格局可想而知偏怀旧，尤其系墙身嘅黄色瓷砖同地下嘅绿白相间纸皮石，两者都渗出点点岁月嘅味道。第一次帮衬，本应试下较出名嘅小菜套餐，无奈胃口一般，最后又系食常餐😂。公仔面嘅𩠌我拣咗五香肉丁，份量算多，配埋煮得爽口唔太腍嘅公仔面，好食。另一边嘅肠仔炒蛋就正常水准正常味道。最后要赞下杯茶走，虽然杯仔细细份量唔算多，但系茶味香浓，即使练奶偏甜，亦无损奶茶整体嘅味道。