JC Room (已結業)

2018年7月29号，西洋菜街行人专用区认真曲终人散，我哋A姐M佬都特登嚟旺角，见证呢个历史时刻！逼完就喺时候揾嘢食，听朋友H小姐讲旺角JC Room平靓正，价钱合理，一于去试下！餐汤 + 面包晚餐配餐汤同面包。特别钟意面包条，香脆可口。另外，蘑菇汤菇味香浓，真材实料，蘑菇蓉份量十足！香辣脆炸鸡翼鸡翼新鲜炸起，肉汁丰富，加埋外里嘅炸蒜，好香口！不过鸡翼腌得唔够，里面嘅肉有啲淡。蒜片虎虾炒意粉虎虾两大只，十分足料，而且煎得香口惹味，虾肉爽口弹牙，意粉煮得啱啱好，加埋辣椒洋葱同蒜片炒，无得弹！香煎盲𫚧鱼柳鱼皮煎到金黄香脆，加埋少少海盐，更加惹味！盲𫚧鱼质嫩滑，唔会煎得大干，Keep到有肉汁，正！