Homeland (牡丹大廈) (已搬遷) 新店位置

今日系旺角附近行街，行到攰攰地就周围揾餐厅，上网睇到呢个homeland既评价都好正面，就决定黎试吓啦！我地两个人叫左个小食拼盘、冬阴功阔条面、同埋一杯海盐奶盖抹茶。 小食拼盘有炸鸡翼三只、炸蚝三只、fish finger 三只同埋一堆薯条。两个人食份量好够，炸鸡翼系柚子蜜味，酸酸甜甜又好脆，好好食；炸蚝同fish finger就不过不失啦；薯条就略嫌淋左啲，我个人比较钟意脆薯条。冬阴功阔条面又系好好食，本身都好钟意饮冬阴功汤，配落意粉原来都好夹，下次黎会再叫。海盐奶盖抹茶既奶盖超好饮，好回味。