越瀧棧

营业中

休息中

呢间位于联和墟球场对面嘅小店真系值得支持。今次系第二次光顾，一行5人未开舖就到，员工好友善招呼我哋入去坐。二人套餐有四款；我哋叫𠮶个$248，非常抵食、有两条春卷拼两只鸡翼，一个黄咖喱牛腩配法包同薄饼，黄咖喱牛腩值得一赞，咖喱香浓，牛腩炆得好冧，另外仲有好多配料、套餐仲有个马拉盏炒通菜， 加2杯饮品同甜品。另外加左个越式蒸粉包，有4个，好大个，虽然皮厚左d,但馅料十足。我地都叫咗猪颈肉捞檬，份量十足，有好多块猪颈肉。我老爸极推金不换牛肉炒厚河粉，色香味俱全，牛肉仲多个粉。最后，虽然二人套餐只包2份甜品，但系佢哋就送咗5份俾我地，非常贴心。经过联和墟，可以一试。