茶舍 (淘大商場2期)

营业中

休息中

丫妈又做「无饭主妇」, 仲落ORDER叫我放工经过淘大商场二期「茶舍」买外卖返屋企做dinner。order即叫即焗, 外卖盒要$2个, 白汁芝士焗西兰花: 芝士足料, 热辣辣拉到些少芝士丝, 西兰花林得黎又有返少少爽, 唔会林PAT PAT, 白汁芝士美味香浓唔会过咸。蒜香鸡中翼: 鸡翼都几大只, 外层微脆, 蒜香香口美味, 肉质有肉汁。菠萝鲜茄三层焗猪扒饭: 卖相吸引, 焗得金黄, 猪扒大大件覆盖成个饭, 猪扒肉嫩唔柴, 炒饭底加上香甜汁酱, 配上香甜多汁菠萝肉同埋蕃茄, 平均到猪扒嘅肉味。美味推介!!肉酱焗扁意粉: 芝士热溶布面, 意粉又林又滑, 香浓肉酱易挂汁。两款主食另加$3仲可追加热饮。