顯徑車仔麵 (已結業)

今日放左工忽然兴起去左显田游泳池游水，游水前就谂住食少少野先。我自细喺显径大，所以都好熟呢头有咩好食，所以我二话不说就过黎食呢间由细食到大既车仔面，质素仍然出色。叫左个3𩠌米粉，分别系牛腩，猪肠，萝卜，加杯豆浆。先讲个豆浆，滑得黎少少甜，有一阵阵既豆香味，真系有少少饮到停唔到。牛腩好淋好入味，份量又够，好重牛味好好味。猪肠首先一睇就知道佢地洗得好干净，食落无渣，好爽口好正！本人最中意食既车仔面𩠌就系萝卜，成日觉得系得车仔面铺煮既萝卜先可以煲得咁入味咁软身，加埋d腩汁辣椒一齐食实在太美味喇。显径车仔面绝对系平靓正之选