阿四車仔麵 (已結業)

唔知大家有无铺车仔面瘾？可惜好多时车仔面档都系细舖，坐得好逼，近排系‪旺角见到呢间面店‬干净企理，枱与枱之间几松动就入去一试，质素又唔错㖞，价钱都经济实惠，仲系良心小店添。四𩠌面(基本系三𩠌一面，加𩠌每款$9)：🍽溏心蛋、卤水腩肉、油菜、萝卜米线(腩汁+沙嗲酱)🍽牛筋丸、溏心蛋、油菜、冬菇河粉(腩汁)由于我地想试多几款，叫左几个小食share所以碗面都比较斋，抵赞嘅系每个𩠌都份量好足，而且款款都几有水准，无将货就价。煮溏心蛋时间控制得啱啱好，真系半熟状态；萝卜一碗有三大旧，清甜无渣又够淋，好少食车仔面食到咁高质嘅萝卜，必叫；腩肉厚切，味道唔错，不过𠮶日有少少煮过龙；冬菇用蚝油炆过好入味，牛筋丸都算弹牙。佢地嘅汤底清清地，沙嗲酱小辣几香花生味，酱另上呢点好贴心。小食：🍽瑞士鸡翼/南瓜薯饼/炸豆腐/炸墨鱼卷小食方面，瑞士鸡翼甜甜地送面一流；炸墨鱼卷块腐皮够薄，唔会好油腻，包住弹牙爽甜嘅墨鱼胶，食得岀有墨鱼粒；炸豆腐就系平时食到嘅味道；南瓜薯饼就最出色，新鲜热辣炸起，非常香脆，个馅系满满嘅南瓜蓉，黎到一定要试。