波記(大排檔) (已結業)

笔者由毕业开始已经系中环工作左十年八年, 波记系我咁多年以黎帮衬得最多既一间铺头, 原因简单不过: 平、靓、正位置上, 波记其实几难揾, 你好难想像系商厦林立既中环, 旁边一条巷竟然有一间大排档波记既特色系:阿姐好好记性而且好大声师傅系熊熊火光中以一分钟既时就炒好一碟镬气饭价钱全部只系廿几蚊而且超大碟炒饭只需加两蚊可以炒底想食排骨要早d去因为超快卖晒...笔者食过的菜色:椒盐猪扒饭: 笔者食过最好食既一味, 唔怕辣既一定要试下芙蓉蛋饭: 呢味都好好, 由于系镬气炒出黎, 所以可以做到外脆但内里仲系半熟蛋各类炒饭: 笔者食过杨州炒饭, 西炒饭, 咖哩炒饭, 虾酱炒饭 & 福建炒饭, 个人觉得杨州炒饭 & 虾酱炒饭系最好的京都骨饭: 都唔错, 酸甜适中, 不过千万唔好外卖, 因为个汁会令到个饭 & 猪扒唔好饭...干炒牛河: 其实波记既炒河都好出色, 牛河更系最多人叫既其中一款炒粉面饭其实仲有好多味笔者都食过, 不过最常叫既, 都算系以上既推介食左咁多年波记, 得出如此结论: 千万不要外卖, 波记系堂食先好食的