至尊重慶雞煲 (堅拿道西) (已結業)

讲平靓正嘅鸡煲我会拣至尊重庆鸡煲 , 晚餐时段 7点钟入座都系$158 一位仲要鸡煲火锅任食啤酒汽水任饮两个钟, 仲要免加一, 重点系个鸡煲仲要好食 咁抵食嘅餐厅仲可系边度揾! 鸡煲有分大中小辣同BB辣, 因为鸡煲会越煮越辣的, 我哋就拣咗个小辣级数。餐厅有自助饮品区之余,亦设有一个自助小食区, 可以系鸡煲嚟之前攞住啲小食嚟开吓胃先! 我就拣咗手拍青瓜同开胃萝卜嚟醒醒胃先! 两款小食微微酸辣几爽口开胃! 主角鸡煲~ 打开煲盖, 香味溢出, 未食个嗅觉已经感受到佢嘅惹味! 鸡煲由花椒, 辣椒, 洋葱再加其他多款香料等等组成, 再加埋佢哋个秘制酱汁, 辣辣哋,轻微甜甜哋, 带点麻辣香, 个人几钟意, 鸡肉好入味, 肉质够新鲜嫰滑,相当惹味! 再跟住佢哋教嘅食鸡3部曲(1)先食鸡(2)放花胶,鱿鱼,牛柏叶 (3)加汤打边炉。1部曲好味唔再讲, 2部曲放埋花胶,鱿鱼落去吸晒啲鸡煲酱汁, 好味到不得了! (我没有放牛柏叶) 到第3部, 因为想keep 住个鸡煲酱味, 我哋每次都只系加好少嘅汤水! 咁就可以每样食物够晒惹味! 打边炉嘅款式有六十几款咁多, 按自己嘅食量点就可以, 唔好浪费啊！