水門泰式海南雞飯專門店 (已結業)

水门鸡饭咁黄咁出名，我居然一直都未试过，唔少朋友觉得好奇怪，但当你知道我本身唔太钟意食鸡嘅时候，就会明白我嘅苦衷😅。早两个礼拜去到西九龙 food court 黄店地带，行咗两个圈，左拣右拣，最后终于决定食鸡。叫咗个海南鸡饭，一睇啲鸡就觉得好开心，因为系我最钟意食嘅鸡胸肉，仲有一只翼尖。个饭虽然只系 35 蚊，但系用料一啲都冇将就，鸡肉比想像中嫩滑有鸡味，唔似一般鸡胸肉咁嚡飒飒，点埋酱汁，酸酸辣辣，超级好食；油饭咸咸地，但系又唔会油淋淋，仲有淡淡鸡香味，唔知系咪用鸡汤煮嘅呢🤔？就算冇𩠌，斋食饭其实都好滋味😋。个汤都值得一赞，虫草花无花果圆肉红枣杞子沙参玉竹一应俱全，饮得出真材实料，既好味，感觉亦好健康😬。