影片
更多
2021-01-09
256 浏览
睇完孤独的美食家（「孤独のグルメ」2020大晦日スペシャル）决定食返餐饺子，见到呢间标榜即包唔过夜，一于试试有几好味😻。🥟A餐 — 8只饺子 + 酸辣汤 $55 + $4（牛肉大葱饺子每只+$1）饺子款式可以任配。今次食咗餐厅推介嘅北京饺子（韮菜猪肉）同埋较少见嘅牛肉大葱饺子 。两款饺子都系皮薄又多馅。韮菜猪肉饺韮菜味好浓，一啲猪膻味都冇。个人更钟意牛肉大葱饺子。大葱保持到爽脆口感，食落微甜唔辣。牛肉以酱油简单调味，食落多汁并且鲜味十足。酸辣汤超足料，配料包括萝卜、木耳、笋丝、瘦肉、猪肚、猪红、豆腐。不论口感定味道都好丰富。整体辣度低，反而酸味较重。暖胃得嚟唔刺激，啱晒钟意食辣又怕辣嘅我。🐷蒜泥白肉 $45五花腩被薄薄嘅青瓜片卷住。五花腩口感带弹性，青瓜片爽脆，口感配搭得几好。红当当嘅酱汁亦系辣度偏低，但带有微微嘅麻香。蒜蓉落得好重手，所以都会有蒜辣味。
2020大晦日スペシャル）决定食返餐饺子，见到呢间标榜即包唔过夜，一于试试有几好味😻。
🥟A餐 — 8只饺子 + 酸辣汤 $55 + $4（牛肉大葱饺子每只+$1）
饺子款式可以任配。今次食咗餐厅推介嘅北京饺子（韮菜猪肉）同埋较少见嘅牛肉大葱饺子 。两款饺子都系皮薄又多馅。韮菜猪肉饺韮菜味好浓，一啲猪膻味都冇。个人更钟意牛肉大葱饺子。大葱保持到爽脆口感，食落微甜唔辣。牛肉以酱油简单调味，食落多汁并且鲜味十足。
酸辣汤超足料，配料包括萝卜、木耳、笋丝、瘦肉、猪肚、猪红、豆腐。不论口感定味道都好丰富。整体辣度低，反而酸味较重。暖胃得嚟唔刺激，啱晒钟意食辣又怕辣嘅我。
🐷蒜泥白肉 $45
五花腩被薄薄嘅青瓜片卷住。五花腩口感带弹性，青瓜片爽脆，口感配搭得几好。红当当嘅酱汁亦系辣度偏低，但带有微微嘅麻香。蒜蓉落得好重手，所以都会有蒜辣味。
张贴
