影片
更多
2017-07-10
415 浏览
第一次食「阿坤」，系前年去星加坡旅行。之前喺香港食「土司工房」，唔敢食豉油生蛋，去到星加坡，见个个都食，胆粗粗又试下，生蛋捞咗甜豉油，甜甜哋，又真系几好食；而多士又香又好味，于是就爱上咗「阿坤」。返来香港无耐，「阿坤」竟然又过咗来，真系开心！今次系第三次来尖沙咀食「阿坤」，不过之前都系下午茶食多士餐，今次系夜晚来食晚餐。晚餐来讲，真系好抵食！鸡肉饭 - 即系海南鸡饭，有汤、饮品、海南鸡、油饭、油菜、多士，先至六十几蚊，「美心」、「翠华」斋油饭、海南鸡、汤，都卖成七八十啦！呢度仲有埋饮品同多士。海南鸡无骨，好瘦，无肥膏，大件又多件，味道唔错，滑就唔系话好滑，但唔会鞋；3只味嘅酱汁 - 豉油（比较杰）、甜酸酱、姜茸，点甜酸酱同姜茸已经好好味；汤都够味；油菜系生菜，仲有少少肉粹佐住，唔错；油饭味道亦都唔错；饮品我拣咗马拉奶茶加炼奶（又或者可以拣马拉奶茶加沙糖/港式奶茶，或者咖啡、鸳鸯，选择好多），较港式奶茶甜啲，但又唔会话劲甜（我试过星加坡档口饮过奶茶，甜到呢，顶唔紧），都唔错；最后系半份咖吔牛油多士，可惜话多士卖晒，转咗白面包，味道当然差好多，仲系冻嘅，下次要再来食多士，「阿坤」多士真系好
今次系第三次来尖沙咀食「阿坤」，不过之前都系下午茶食多士餐，今次系夜晚来食晚餐。晚餐来讲，真系好抵食！
鸡肉饭 - 即系海南鸡饭，有汤、饮品、海南鸡、油饭、油菜、多士，先至六十几蚊，「美心」、「翠华」斋油饭、海南鸡、汤，都卖成七八十啦！呢度仲有埋饮品同多士。海南鸡无骨，好瘦，无肥膏，大件又多件，味道唔错，滑就唔系话好滑，但唔会鞋；3只味嘅酱汁 - 豉油（比较杰）、甜酸酱、姜茸，点甜酸酱同姜茸已经好好味；汤都够味；油菜系生菜，仲有少少肉粹佐住，唔错；油饭味道亦都唔错；饮品我拣咗马拉奶茶加炼奶（又或者可以拣马拉奶茶加沙糖/港式奶茶，或者咖啡、鸳鸯，选择好多），较港式奶茶甜啲，但又唔会话劲甜（我试过星加坡档口饮过奶茶，甜到呢，顶唔紧），都唔错；最后系半份咖吔牛油多士，可惜话多士卖晒，转咗白面包，味道当然差好多，仲系冻嘅，下次要再来食多士，「阿坤」多士真系好好味！
叻沙 - 一只鸡蛋开两边、豆卜、鱼片、两只虾、米线，汤底味道真系唔错，（好食过「土司工房」，无论多士定主餐都系），鱼片、虾都弹牙，碟头唔算大，普通；加半份多士；男友拣咗饮品为鸳鸯，又几好饮，好香！不过我夜晚唔敢饮咖啡，会瞓唔著，所以试咗啖就算！个餐五十几，抵食！
晚餐来讲，呢个价钱真系好抵食！尤其是鸡肉饭！仲要环境又舒服！人唔多，有梳化坐，虽然系出去叫嘢食俾钱，但侍应会请你先坐低，俾张menu你慢慢睇完先出去买。服务几好！会再来！
张贴
