三記飯店

营业中

休息中

三记喺慈云山非常出名，食饭时间实有人排队，到咗宵夜就更加系逼爆，两间分店都唔够佳，仲要坐出街。鱼香茄子非常惹味，咸鱼同碎肉好足料，所以味道比较咸，𩠌饭一流炸乳鸽系新鲜即炸，入口时仲有啲热。外皮香脆可口，乳鸽肉鲜嫩多汁，大排档竟然食到呢个质素👍🏻食完炸乳鸽唔够喉，又怕热气，所以叫多只卤水乳鸽食。卤水乳鸽就有啲逊色，卤水汁冇咩特别，乳鸽亦都及炸嘅嫩滑，下次都系食返炸乳鸽！最迟上嘅姜葱鱼云有惊喜，用煲仔上，一食就食得出镬气，鱼云好新鲜同大件，姜葱炒得非常香口惹味，正。店员果然冇介绍错👍🏻打冷必要嘅招牌鹅片份量十足，叫返支啤酒啤一啤就Perfect啦～提外话店员好Nice，会推介你有咩想啱，或者今日有咩新鲜，如果有啲出名嘅嘢例如鹅肉就来卖晒，会提你问你使唔使叫一份先。