斗滾 (寶輝閣)

营业中

休息中

每次约一大班人打边炉食饭，就一定系食放题，食物野饮选择多之如，又可以系有限budget之下，豪饮豪食，够囇尽兴，唔洗就住荷包💸约friend从此唔洗尴尴尬尬。打边炉放题有好多间，但高质嘅真系唔多，呢间不但只价钱亲民（晚市$300 /成人，已计服务费），仲包任点鸡煲、一客海鲜拼盘（每人每款圣子、鲍鱼、扇贝、花甲、虾、鱼块，配乌冬同些少配菜，人人有得食，唔洗争）、是日靓汤（杞子红枣乌鸡汤），重头戏手切牛颈脊，最后仲有椰汁雪燕糖水，另外有冻柜放咗其他基本火锅配菜、丸、水果拼盘等等，唔少得有王子面、辛辣面、乌冬、出前一丁… 当日有朋友生日🎂，买咗个蛋糕去餐厅雪，呢度冇收切饼费之如，佢仲好细心咁送咗个牛颈脊蛋糕俾我哋，十分过瘾😋任点鸡煲其实上菜上得几快，但每次要等2分钟炒一炒，总共需要炒4次，最快起码8至10分钟先食得，啲鸡先至入味，我就略嫌等得太耐。鸡煲入边啲鸡肉又少，剩系得好多辣酱同配料，感觉呢度嘥咗好多时间，所以其实食一转都已经好够。而海鲜拼盘就各样每人一只，不过不失，蛏子、扇贝同鲍鱼系必食，乌冬煮到淋淋地有海鲜味都几好，全部火候都控制得几好，唔会话过熟，绝对得起呢个价钱👍🏻碗靓汤其实有啲