燒味滷師 (成城大廈)

营业中

休息中

行过见到好多人排队，于是就斩啲料返去同同事一齐食。冇谂过价钱咁实惠都咁大碟咁好食。 至尊烧鹅（上庄）$110 皮脆肉嫩，真系只可以用呢四个字形容，又够juice又够油香。本来以为咁平嘅烧鹅层皮会唔脆，结果系我错，超级脆。叉烧（半斤）$40 唔肥，但系又好滑，又唔会鞋烚烚。调味都好好，唔会过甜或者过咸。应该同师傅讲要厚切，咁样会更加滋味。客家盐焗鸡（半只）$25见到咁平顺便买半只试吓，肉质非常嫩滑，唔会死咸，好入味。泰式凤爪拼海蜇$42啱晒夏天食，爽口过瘾，调味都非常好。