青咖喱屋 (裝修中)

边个话平就无好野食？！刚试过非常值得推荐的熟食街市正宗泰菜（人气鼎盛），由厨师到楼面都系泰国人做番家庭式经营，可能好味过系泰国食（至少无咁油）！ 虽则系街市档但系食物种类齐全，连咖喱、灼蛳蚶、生虾、洛神花、椰青、泰国啤酒。。。流口水中！不过，因为今次同老爸去所以食得较清（小小小辣）但系都令到我要推介！1）柚子沙律‧名字普通看似平凡，材料绝对丰富柚子、椰蓉、鸡丝、虾仁、柠檬叶及其他香料，捞捞埋埋啲汁好开胃2）黄咖喱鸡‧这个咖喱不辣的！有香香滑滑咖喱味可能因为有蕃茄薯仔所以中和咗3）蒜蓉炒椰菜苗4）烤饼‧外皮烘得香脆又唔油；配上咖喱汁超正5）泰式明炉乌头鱼‧重点推介！比起多贵价泰菜馆做得更有诚意；其实点条鱼但配料何其多又壮观仲附设一汤碗上汤（含配料的）！肉碎鲜菇香料不在话下，仲加咗酸梅及粉丝，食到尾啲鱼汁浑埋个汤度又被粉丝索番，简直想打包个汤底返家添呀！tips: 晚市楼面人手不足可能会较慢！ 午市套餐超抵食！