貴香園

营业中

休息中

发现旺角都几多唔同嘅米线店，呢间就第一次试，当日系平日晚市唔算太多人，好快就有位。上菜速度呢都几快酸辣鸡！平靓正～招牌麻酸辣鸡丝肠仔米线$46汤底我拣左麻酸辣嘅（小辣），麻味唔够，辣味都冇，有酸味，但整体味道系ok。鸡丝肉质都好嫩，有鸡味，肠仔煎香另上，仲有两条，米线嘅口感系比较软冧。配料方面都好足，够哂多，有芽菜、葱花、肉醉等等，增加左口感嘅层次感，整碗米线食起来非常满足～酸辣腩肉金针菇米线$46呢碗米线拣左酸辣（小小辣），同麻酸辣汤底系差唔多，只系酸味再浓d，同冇麻辣，非常开胃。腩肉嘅肉质非常软嫩，因为旧肉几肥下，但味道方面都几惹味。同样地配料都好多，成碗面食完都好饱，两碗面比较，个人更喜欢酸辣汤底，因为汤底够酸又够浓，好食！