影片
更多
2018-01-14
79 浏览
放工去旺角同另一半行街是常识吧！唔想食连锁贵价餐厅，可以去女人街揾下啲平民少店，有正宗韩国菜，土耳其，日本，当然西餐都唔少。呢间水蜜桃门面唔大一条长巷，但装修骨子，有种旧纽约风。正餐之前叫了芝士焗田螺。一上菜已经闻到芝士好香，挑开厚厚既芝士有6粒主角。大大粒，仲有弹性。重点，跟餐都系$18咋，真心抵食，良心企业。晚餐送汤同包，我哋加左$12要酥皮。酥皮同包都焗得好香脆，同另一半仲争住食。今期有紫薯汤同罗宋汤，罗宋汤正常，唔多讲。紫薯汤真系好出色，紫薯好足料，有味又香。大家黎到记住试，不过汤比较稠，饱肚可以分享黎饮。主食有铁板纽西兰羊扒，是日加影火焰羊扒, surprise!火烧过后唔会好似火焰蛋糕咁大阵火酒味，反而烧香肉皮。肉质很好，好滑，咬两下就烂晒，皮脆肉嫩，肉汁多，好出色。我叫了个菠菜茸带子蟹肉天使面。一上菜就觉得好靓，第二就系大，好大，真系好大碟。两个人食一碟都得，我建议店主可以减少少，因为应该无人可以食得晒。我都唔想做大哂鬼。讲返食物本身，带子面头好香，心好滑，刚刚熟，时间控制得好。食条面好多质感，有软绵绵既面，有爽口嘅菜，有烟韧既菇，有香口既蟹肉，一流，比起连锁店，名店好几
正餐之前叫了芝士焗田螺。
一上菜已经闻到芝士好香，挑开厚厚既芝士有6粒主角。大大粒，仲有弹性。重点，跟餐都系$18咋，真心抵食，良心企业。晚餐送汤同包，我哋加左$12要酥皮。
酥皮同包都焗得好香脆，同另一半仲争住食。今期有紫薯汤同罗宋汤，罗宋汤正常，唔多讲。紫薯汤真系好出色，紫薯好足料，有味又香。大家黎到记住试，不过汤比较稠，饱肚可以分享黎饮。主食有铁板纽西兰羊扒，是日加影火焰羊扒, surprise!
火烧过后唔会好似火焰蛋糕咁大阵火酒味，反而烧香肉皮。
肉质很好，好滑，咬两下就烂晒，皮脆肉嫩，肉汁多，好出色。我叫了个菠菜茸带子蟹肉天使面。
一上菜就觉得好靓，第二就系大，好大，真系好大碟。两个人食一碟都得，我建议店主可以减少少，因为应该无人可以食得晒。我都唔想做大哂鬼。讲返食物本身，带子面头好香，心好滑，刚刚熟，时间控制得好。食条面好多质感，有软绵绵既面，有爽口嘅菜，有烟韧既菇，有香口既蟹肉，一流，比起连锁店，名店好几倍。叫得做水蜜桃，最当然要试下水蜜桃雪皅。
点知见到真系好惊讶，居然真系成个水蜜桃咁上。原来系月光宝盒，中间挑空放入雪皅。雪皅好绵，入口即空仲有，仲有好清甜既水蜜桃味。我哋就以呢个咁出色既甜品为呢餐平靓正既晚饭划上句号。
张贴
