影片
更多
2017-01-24
3704 浏览
今次嚟到荔枝角覓食，竟然比我無意中搵到幾抵食既西餐，呢到門口睇落一啲都唔起眼，點知入到去原來係個food court，有唔同既食物，但見呢間最多人排隊，試試呢間，好滿意！見最多人叫呢個餐，一個餐包１沙律＋１配菜＋１主菜＋飲品，我同媽咪兩個人叫二人餐，配搭份量一樣，但平左十幾蚊，百二蚊就搞掂。本身諗住買完好快有得食，點知原來每樣都有好多選擇，完全揀唔落手首先講講沙律，一有五款，鴨胸配羅馬生菜，凱撒沙律等等，如果想飽肚啲既可以叫沙律螺絲粉或者香烤焗薯，無論邊款都幾足料，唔會淨係得菜果種Hea沙律。配菜一共有四種，輕食既有忌廉炒蘑菇 忌廉炒西蘭花等等，但最吸晴既都係原隻芝士煙肉焗薯點解配菜可以有咁大隻焗薯？！淨係揀沙律同配菜都揀左好耐，不過去到主菜先係重頭戲，有近十款選擇！肉食方面有香橙烤鴨髀配窩失，炸蟹肉薯餅，仲有燒春雞（半隻），或者照燒雞排，估唔到連ribs都有!!!!燒春雞同雞排份量睇落最大，好厚肉。如果唔想食肉，食包仲開心，我呢個包控見到啲包即刻放棄左啲肉囉哈哈。包每款都好精緻，清淡少少既有巴馬臣芝士包，吞拿魚沙律竹炭包，碎蛋沙律牛角包，重口味少少既仲有牛肉包添，無論餡料同麵包都係好
見最多人叫呢個餐，一個餐包１沙律＋１配菜＋１主菜＋飲品，我同媽咪兩個人叫二人餐，配搭份量一樣，但平左十幾蚊，百二蚊就搞掂。
本身諗住買完好快有得食，點知原來每樣都有好多選擇，完全揀唔落手首先講講沙律，一有五款，鴨胸配羅馬生菜，凱撒沙律等等，如果想飽肚啲既可以叫沙律螺絲粉或者香烤焗薯，無論邊款都幾足料，唔會淨係得菜果種Hea沙律。
配菜一共有四種，輕食既有忌廉炒蘑菇 忌廉炒西蘭花等等，但最吸晴既都係原隻芝士煙肉焗薯點解配菜可以有咁大隻焗薯？！
淨係揀沙律同配菜都揀左好耐，不過去到主菜先係重頭戲，有近十款選擇！肉食方面有香橙烤鴨髀配窩失，炸蟹肉薯餅，仲有燒春雞（半隻），或者照燒雞排，估唔到連ribs都有!!!!燒春雞同雞排份量睇落最大，好厚肉。
如果唔想食肉，食包仲開心，我呢個包控見到啲包即刻放棄左啲肉囉哈哈。包每款都好精緻，清淡少少既有巴馬臣芝士包，吞拿魚沙律竹炭包，碎蛋沙律牛角包，重口味少少既仲有牛肉包添，無論餡料同麵包都係好多款，以一個FOOD COURT黎計有咁多選擇真係唔錯.重點係個包好大個！！
揀左差唔多十分鐘終於比我揀到兩碟，負責裝餸既哥哥仔好似同老闆有仇咁ＸＤ係咁畢係咁畢，隻碟咁大都可以裝得滿，好彩我係一個食物焚化壚姐。
呢盤成碟都係澱粉質既當然係我架啦我呢啲紫薯控見到紫薯又點會錯過，唔好睇少呢個＂沙律＂，有紫薯石同黃薯，一共有十幾件薯仔用過微微既蜜糖烤過，雖然未做到皮脆，但微甜蜜糖加埋本身蕃薯既天然甜，食下食下就食哂咯，有時沙律既焗薯係好油，但呢隻唔會。配菜又係薯，不過係焗薯ＸＤ其實平時出街好少食焗薯，因為以前試過食某連鎖ＣＡＦＥ既焗薯，索價六十大元一個餐，但個焗薯仔又實又淡口，真係黑回憶，呢到焗薯雖然唔係預先挖左薯肉調味果種，但焗得夠稔身同埋夠粉，而面既芝士都好夠多，車打芝士味夠濃加埋煙肉乾粒，味道岩岩好，每啖薯肉都可以食到芝士煙肉，無偷工減料，如果細食既女仔可能食呢個已經夠飽，可惜我唔係哈哈ＸＤ終於到主菜，我揀左呢個好澎湃既吞拿魚沙律竹炭包！！！！佢長過我隻手之餘，啲餡多到要瀉出黎咁，我食果陣雙手拎個包都跌左啲吞拿魚出黎，以份量黎計真係無得輸，不過個包我以為係焗脆或者熱熱地既，可惜佢唔係～至於吞拿魚沙律比較淡口，可能因為佢沙律醬少啲但吞拿魚比例上多啲，所以感覺上吞拿魚味較突出。
呢個係我幫媽咪揀既（咁我就可以食多幾樣喇哈哈），沙律既羅馬生菜都幾新鮮，而沙律既螺絲粉唔會因為係沙律就比得少，都有碗咁多，唔會太稔身加埋沙律醬再加埋少少吞拿魚碎唔會太單調，不過食完都幾漏，如果細食既話沙律就唔好揀粉，揀菜就岩。至於主菜雖然好想試埋燒雞，但呢個鴨髀配窩夫實在太特別，呢個價錢有得試，鴨髀肉一咬就散開煮得好稔身，相信都用左唔少時間煮，皮本身都有調味，不過就細隻左啲，好彩有件窩夫，可能因為窩夫係一早整定加埋有汁淋左係上面，所以窩夫唔脆口，但整體加埋香橙汁酸酸地，係個唔錯既主菜！
飲品叫咖啡，有微拉花既心心因為媽咪係附近做野，佢一路食一路話要叫佢啲同事黎嘆喎呢餐無令媽咪失望，我都一樣！好難得有咁抵食又好食既西餐，呢個價錢...係香港都幾難揾，希望下次黎唔好加價
张贴
