味真 (已結業)

前几日去左食韩烧，揾左间未食过既谂住试下，食完只可以讲：钟意食韩烧的人有福了，你地绝对唔可以错过呢间位于沙田银城街既味真MIJIN MEAT！呢间平价，用料好，环境舒服既韩烧餐厅，系韩国有成超过130间分店，舖头由韩国人主理，保证食到最正宗嘅风味。前菜同一般嘅韩烧餐厅一样，呢度都会提供各种泡菜做前菜，仲有一大碗沙律，新鲜得嚟味道唔错，非常开胃伊比利猪肩肉伊比利猪肩肉系呢度嘅必试之选，肉质鲜嫩多汁，脂肪分布均匀，店员唔忙嘅时候仲会主动过嚟帮手烧，烧到焦香金黄后，用生菜夹住，再加啲泡菜，每一啖都系享受。猪梅肉猪梅肉系另一个推荐之选，肉质细腻，经过烧烤后，香味四溢，亦都系一流。最紧要嘅系，每100 g都只系59蚊，以香港嘅韩烧价钱嚟讲，真系抵到喊，佛心公司！猪皮猪皮已经预先烧好，食落有少少浆浆地但又弹牙嘅感觉，沾上咖哩粉同黄豆粉，味道层次非常丰富超香口，令人一试难忘。一口烧墨鱼墨鱼好新鲜，烧到岩岩好后，食落有少少焦香之余又有墨鱼香，店员大推可以沾少少佢地既茄汁，酸酸甜甜咁更加惹味肥牛面豉汤去韩国餐厅必饮佢地既大酱汤，汤底浓郁，我最钟意一啖白饭一啖汤咁食，超爽。呢间餐厅嘅氛围系比较家庭式，非常