影片
更多
2008-10-05
7 浏览
呢间野开应该有廿年，我呢头住都有廿年，但到今时今日先发现佢，真系迟！原来呢间野好掂，仲要平靓正，实在少有。三个人，叫了劲多野食，最后食唔晒要打包！醉鸡汤底加象拔蚌$300醉鸡有半只，应该无一只咁多，因为只得一只脾同翼。酒味唔浓；但鸡都几嫩。象拔蚌鲜甜，只要渌一渌就食得；唔韧，爽口。超正！份量唔少，食极都仲有；抵！鲜三宝丸：有虾丸、带子丸同猪肉丸。虾丸、带子丸淋了少许，唔够弹；猪肉丸好正，好弹牙，有肉味，无肥肉。之后再净叫碟猪丸。鲜牛丸：又系好弹牙，好新鲜，有肉味。$22碟有成十几粒，好抵！水饺就比较一般，皮薄，但虾少肥肉多。$22一碟有好多只，都抵食。黑柏叶：新鲜，薄身，渌一渌就食得，唔算韧。牛肉粒反而无预期咁好。较多根，韧；就算唔系烚好耐都会韧；油花均匀。皇帝菜都新鲜，不过我唔太钟意佢种咁独特味道。粟米超正！超甜超多汁，又无咩渣。猪骨唔抵食，因为无咩肉，净系得软骨同猪皮。唔太好食。因为我expect 会有好多肉。糯米饭：一碗$15，好经济。炒得够干身，糯米饭也黏口；不过虾米粒好硬；整体算不过不失。仲有渣竹蔗茅根，唔太甜又够味。环境都几好，唔会太嘈；服务员都几有礼貌，又唔会
原来呢间野好掂，仲要平靓正，实在少有。
三个人，叫了劲多野食，最后食唔晒要打包！
醉鸡汤底加象拔蚌$300
醉鸡有半只，应该无一只咁多，因为只得一只脾同翼。
酒味唔浓；但鸡都几嫩。
象拔蚌鲜甜，只要渌一渌就食得；
唔韧，爽口。超正！
份量唔少，食极都仲有；抵！
鲜三宝丸：
有虾丸、带子丸同猪肉丸。
虾丸、带子丸淋了少许，唔够弹；
猪肉丸好正，好弹牙，有肉味，无肥肉。
之后再净叫碟猪丸。
鲜牛丸：
又系好弹牙，好新鲜，有肉味。
$22碟有成十几粒，好抵！
水饺就比较一般，皮薄，但虾少肥肉多。
$22一碟有好多只，都抵食。
黑柏叶：
新鲜，薄身，渌一渌就食得，唔算韧。
牛肉粒反而无预期咁好。
较多根，韧；就算唔系烚好耐都会韧；
油花均匀。
皇帝菜都新鲜，不过我唔太钟意佢种咁独特味道。
粟米超正！
超甜超多汁，又无咩渣。
猪骨唔抵食，因为无咩肉，净系得软骨同猪皮。
唔太好食。因为我expect 会有好多肉。
糯米饭：一碗$15，好经济。
炒得够干身，糯米饭也黏口；
不过虾米粒好硬；整体算不过不失。
仲有渣竹蔗茅根，唔太甜又够味。
环境都几好，唔会太嘈；
服务员都几有礼貌，又唔会hard sell d 贵价野。
埋单$830，真系超平超抵食；食物又新鲜，一定会有无限个下次！
张贴
