影片
更多
2009-04-12
19 浏览
阿妈生日，落左ORDER要揾间平平地，又要近我家姐屋企的，咁我就谂起马鞍山海港，几年前食过，印象都好好﹗所以就订位了﹗平日晚饭都分两轮，6:30 或8:30，我地选左8:30，好啦，出发﹗10个人，8:30，个个都好肚饿，第一件事叫送先﹗（好可惜唔记得影相）1. 半只烧鹅2. 一只烧鸡3. 一条大青班4. XX杂菌煲5. 咕噜肉6. 台式猪手煲7. 蒸豆腐8. 瑶柱菜胆9. 鱼腐上汤浸苋菜系呢度热烈推介嘅必定系烧鹅，皮脆，肉嫩，唔鞋口，又JUICY，我地一家人对鹅嘅渴求唔系太大，叫半只， 一人两旧，已经好开心，相反，如果叫一只，就大家互相推黎推去，今次叫半只真系好明智。我地屋企人个个都钟意食鸡，所以点都要叫一只黎充撑场面；一只鸡，几个ROUND都已经消灭左佢了﹗佢呢只烧鸡，同只鹅一样，都系皮脆肉嫩，同埋唔肥，好放心可以连埋皮一齐食。第三个推介系蒸豆腐；全名已经唔记得，佢有D细带子系底，我估计再有蛋白同奶一齐连豆腐蒸，舖面仲有少量蟹籽同毛豆，呢个简直很意料之外。因为D豆腐好滑，再加上佢有D带子味道，放入口有种清新的感觉，送饭同就咁食都非常好﹗第四个推介系台式猪手煲，虽然我唔知台
10个人，8:30，个个都好肚饿，第一件事叫送先﹗（好可惜唔记得影相）
1. 半只烧鹅
2. 一只烧鸡
3. 一条大青班
4. XX杂菌煲
5. 咕噜肉
6. 台式猪手煲
7. 蒸豆腐
8. 瑶柱菜胆
9. 鱼腐上汤浸苋菜
系呢度热烈推介嘅必定系烧鹅，皮脆，肉嫩，唔鞋口，又JUICY，我地一家人对鹅嘅渴求唔系太大，叫半只， 一人两旧，已经好开心，相反，如果叫一只，就大家互相推黎推去，今次叫半只真系好明智。
我地屋企人个个都钟意食鸡，所以点都要叫一只黎充撑场面；一只鸡，几个ROUND都已经消灭左佢了﹗佢呢只烧鸡，同只鹅一样，都系皮脆肉嫩，同埋唔肥，好放心可以连埋皮一齐食。
第三个推介系蒸豆腐；全名已经唔记得，佢有D细带子系底，我估计再有蛋白同奶一齐连豆腐蒸，舖面仲有少量蟹籽同毛豆，呢个简直很意料之外。因为D豆腐好滑，再加上佢有D带子味道，放入口有种清新的感觉，送饭同就咁食都非常好﹗
第四个推介系台式猪手煲，虽然我唔知台式的猪手其实系乜？但佢个味较得啱啱好，而家重点系好林，唔会痴牙，个汁又好味；好可惜系.....佢每旧的SIZE不一，而且真系一人得一旧，冇得客气﹗
第五个推介系条鱼，虽然条鱼有少少OVER左，鞋左少少，不过条鱼都系新鲜鱼，某一D位置都食到好滑溜的感觉﹗而且条鱼足有1斤1X两，都好大条﹗但系只系..........$168，仲可以点？
其实叫9个送，有5个都推介，都算系咁啦﹗其他个4味，大部份都系菜，都好稳阵，亦都唔差，其中个XX杂菌煲，D菇有好多款，都推介﹗唯一一个唔推介的就是咕噜肉，佢唔系用排骨整的，佢只系用猪柳整，呢个都未系大问题，最主要系个汁唔得，D肉又硬，又唔入味，呢个极度唔推介﹗
另外，D阿姐都好好笑容，斟茶换碟全部自动波，坐得亦舒服﹗可以再ENCORE﹗全晚10个人，个个都赞不绝口，最紧要系平，埋单$969﹗
张贴