丸亀製麵 (悅來坊)

营业中

休息中

又到星期五觅食日子，今次同老公加埋我妹去行下悦来，本身想食定食8，但因为佢得50分钟食，怕太赶所以最后都系决定食第二d,行下行下见到丸龟制面，就不如食个乌冬啦。可能系因为本身悦来嘅舖位系比较细，所以台大约得10张左右，唔知系咪我去到时7点几仲算早，唔洗等位入面已经有好几张吉台。老公叫左个牛肉麻酱拌乌冬（大），老公话都几好食，仲有d牛蒡系入面，但个麻酱就唔系平时个d芝麻酱，我老公话食唔出有芝麻味，牛肉就比较少同碎。我妹就叫左个热酱油乌冬（细），我妹最钟意呢个，好香酱油味，但又唔会太咸，唔错唔错。我就次次都会食呢个冷乌冬，好弹牙，个乌冬酱汁又好味，加wasabi落去点黎食就一流。炸芝麻鸡柳（左上）：鸡肉够滑，但面嘅炸粉已经淋左，不过好在唔会好厚粉。炸鱼块：够脆，不过鱼肉有少少腥。炸鱿鱼须：炸粉好薄，唔错，只系咸左少少。蕃薯天妇罗：好甜！南瓜天妇罗：已经冻左，得以个皮同南瓜已经分开左了。我地仲叫左三罐汽水。整体黎讲真系算平，咁多野都只系170蚊，每样炸物都只系十几蚊。仲有葱粒同天妇罗粒任拎，加落去冷面酱汁一齐食简直系一流！