韓正屋韓國料理 (搵食市集) (已結業)

喺Facebook见到大围有揾食市集，放假专登揾埋朋友一齐去见识吓。地方细细，但骤眼望，都有七至八间餐厅选择。踏入门口，左手边就见到一间韩国嘢；同样地，五脏虽小，但食物款式竟然多过一般嘅韩国餐厅。佢仲要细心到有啲热门食物，不但有正常份量，仲有细份俾人拣，即刻可以试多好多嘢食。我哋拣咗份细分嘅炒粉丝同炸鸡，正常份量嘅牛肉拌饭同埋芝士拉丝炒年糕、凉拌海带同紫菜饭卷。因为谂住去picnic，环保的朋友准备了环保餐盒。虽然食物已经隔咗一段时间，但炸鸡依然好脆，啲鸡肉都好嫩滑，配埋佢个芥末沙律酱，秒速清晒。个炒粉丝同杂锦牛肉拌饭嘅味道同质素同韩国有得挥。食咗咁多嘢都$300有找，抵到烂。