牛知己 (已結業)

元朗咁多好嘢食，今日竟然俾我发现有间好高CP值嘅火锅放题，位于细就附近，门面光鲜阔落，而且到处充满圣诞嘅气氛，坐到入去个人都觉得好醒神呀⋯⋯位置有阔落，唔会坐到人的人，而且可以食足90分钟，时间绝对充裕啦⋯⋯饮品方便应有尽有，真系每样试一只味都唔掂啊！自助式嘅食品，以韩式为多，食品放得好有秩序，干净又整齐。冷盘10分惹味，味道充足，又唔会好辣，适合晒香港人嘅口味。自助食嘅火锅配料好多，最紧要系啲菜好新鲜，而且丸类选择有都好充足。汤底方面有几款可以拣有辣有唔辣，任君选择。到咗我好期待嘅主菜啦，讲下点菜嘅方面，可以用电脑之后点菜，食几多点几多，唔会浪费，牛肉𠮶方面肉质新鲜不在话下，最紧要嘅系入口即化，充满牛味，我爹哋竟然话从来都未食过咁好嘅牛肉。腩肉方面，望落去虽然好肥，但系估唔到入口既肥膏可以咁爽脆，肉色均匀又剔透，雪白无瑕。呢个五花篮绝对系我嘅至爱。海鲜方面，有我最爱嘅墨鱼仔，淡淡鲜香又惹味，入口香喷喷又弹牙。甜品方便仲会有芒果布甸，牛奶布甸，小朋友见到一定好钟意啦。