麻辣妹 (已結業)

同男朋友喺旺角行街时经过呢间麻辣妹。由于我钟意食辣，见到个餐厅名已经觉得好吸引我地就决定喺到食个晚餐。餐厅既装修都几特别！坐位好阔落，坐得都几舒服。餐牌选择都几多，我同男朋友各叫左碗粉，同埋几款小食一齐share。重庆小锅 红薯粉 （小辣）汤底好味！麻辣得黎又唔觉好油或好多味精，好啱香港人的口味。红薯粉好滑又爽口。配菜方面我拣左肥牛、面根、金菇菜，全部都好新鲜。最钟意肥牛原本因为惊太辣，所以叫左小辣。不过又Ok㖞，下次会叫中辣！猪骨浓汤水晶粉男朋友唔太食得辣，所以叫左呢款。猪骨汤味道浓郁，水晶粉好黏口，口感好好。清清地，对比重庆小锅系另一种享受。配菜就选左蟹柳、鱼片头、玉子豆腐。猪耳&鸡中翼(双拼)猪耳份量都几大份，咬落好软腍又有弹性，口感好好，相当入味！鸡中翼肉质好嫩，配合个辣汁真系几正。蒜泥白肉推介！！冇谂过会咁好味。辣油唔会好油，配以新鲜蒜香，再加上好厚切的白肉，一碟都唔系好够食。潮洲鱼蛋好少系川菜款式揾到潮州鱼蛋，感觉好特别，就叫左一客，果然热辣辣炸香左嘅鱼蛋加上辣汁，真系别有一番风味。仲有两杯冻柠茶。真系平靓正架！系不错的尝试