影片
更多
2019-06-09
85 浏览
前排有个同事食饭时讲起天文台道新喜嘅呢幢商业大厦有好多食肆，其中一间叫做花木日本料理，佢讲到赞不绝口，所以我都心思思决定今晚黎试吓食晚饭。搭lift上到3楼，见到门面好似好高级咁，以木为主体嘅和风设计，优雅气氛令到你入到黎都唔敢大声讲野，耳仔都觉得舒服左。咁既环境亦令我有啲担心会唔会好贵，但一睇餐牌成个人松哂！估唔到呢度既食品价格都好相宜。拣咗一个沙律、天妇罗、炸鸡，主席就拣咗一份特选寿司，再加多一客明太子烧饭团。最惊喜就系佢嘅饮品好抵，梳打都系28蚊杯，完全系良心价格，抵赞！而且仲要系大大杯，又有果肉，满分💯落单冇几耐就先黎沙津，最惊喜就系佢有好多只大虾，而且大虾肉质非常爽脆，咬落去有「确」一声！如果可以再冰镇一下口感就会更好。沙津菜份量都几多，2-4人食都啱。而且我钟意佢沙津入面有无花果，除左青菜仲有多一种果香味。炸鸡又系超超值之选！58蚊咁大份，而且佢都炸得刚好，鸡肉都仲有肉汁！炸粉又唔会太厚。寿司拼盘同样好有惊喜，由海胆到拖罗、牡丹虾同埋帆立贝样样都新鲜，配上渍左既饭做寿司系比较少见既造法，但都好食啊！其实饭既份量可以再少啲，因为佢咁多旧份量真系唔少！个人就最钟意只牡丹虾同帆立
搭lift上到3楼，见到门面好似好高级咁，以木为主体嘅和风设计，优雅气氛令到你入到黎都唔敢大声讲野，耳仔都觉得舒服左。咁既环境亦令我有啲担心会唔会好贵，但一睇餐牌成个人松哂！估唔到呢度既食品价格都好相宜。
拣咗一个沙律、天妇罗、炸鸡，主席就拣咗一份特选寿司，再加多一客明太子烧饭团。最惊喜就系佢嘅饮品好抵，梳打都系28蚊杯，完全系良心价格，抵赞！而且仲要系大大杯，又有果肉，满分💯
落单冇几耐就先黎沙津，最惊喜就系佢有好多只大虾，而且大虾肉质非常爽脆，咬落去有「确」一声！如果可以再冰镇一下口感就会更好。沙津菜份量都几多，2-4人食都啱。而且我钟意佢沙津入面有无花果，除左青菜仲有多一种果香味。
炸鸡又系超超值之选！58蚊咁大份，而且佢都炸得刚好，鸡肉都仲有肉汁！炸粉又唔会太厚。
寿司拼盘同样好有惊喜，由海胆到拖罗、牡丹虾同埋帆立贝样样都新鲜，配上渍左既饭做寿司系比较少见既造法，但都好食啊！其实饭既份量可以再少啲，因为佢咁多旧份量真系唔少！个人就最钟意只牡丹虾同帆立贝，肉质鲜甜😋 个味噌汤都好香，海带够哂清甜。
呢个时候上埋道明太子烧饭团🍙我真系有啲后悔，因为真系眼阔肚窄，亦都冇谂过佢会咁抵食，一客饭团有三大旧！！！
不过佢制作都好认真，明太子系预先同饭捞好咗先再搓成饭团，然之后再烧，所以味道mix得好好！难得女友麻麻地食饭团佢都食哂一旧半，佢话个明太子好香，同平时食开𠮶啲只会将一Pat明太子实系饭团中间嘅做法好唔同，好明显呢个做法系心思细密好多，同埋口感好食好多。
天妇罗上埋既时候其实我地都饱左十成，真系叫多左😂😫😍但系只炸虾咁吸引又好难唔食！而且佢又有炸无花果啦！真系几有新意，煮左既无花果其实口感真系唔错。不过佢啲菜品真系大份，抵食又好食，性格比好高！
张贴
