真味鮮廚 (已結業)

朋友book嘅餐厅，最初见到网上啲相，都冇特别期望，但食完系有惊喜嘅。首先，佢嘅环境够阔，坐得好舒服。大部份需要都系自助，包括调味料、嘢饮。选择都足够。首先来一个刺身拼盘，意外地高质。特别欣赏佢嘅虾刺身同鲍鱼！肥美，鲜甜。跟住嚟去个鸡煲，朋友唔食辣，但都好惹味。重点系食完唔会话好口渴！跟住我哋拣咗个龙虾海鲜盘，龙虾大大只，够多肉，抵食！打边炉必须一提嘅主角：肥牛！无论系佢本身包嘅特级安格斯肥牛，定系任食嘅美国雪花肥牛，同样高质！但最令我印象深刻嘅，系佢其貌不扬嘅糯米糍。入面个馅类似杨枝甘露，好fresh好好食。