滾動雞煲火鍋餐廳

营业中

休息中

听住元朗嘅朋友介绍好多次话好食加抵食，终于决定同女朋友去试吓，搭西铁去喺朗屏站落车，行过去大约5分钟，个位置因为系内街，我又唔熟元朗，但都唔系好难揾，因为朋友话喺大荣华后面，铺面普普通通，似一般茶餐厅设计，入到去都算大间，坐低咗侍应都几好礼貌（呢个要加分），问有咩好介绍，佢话有两款鸡煲选择，滚动鸡煲（传统鸡煲）及黄酒鸡煲，我见佢地可以拣半只鸡，所以每样拣咗半只一共两个煲，等咗大约十分钟就有得食喇，先试个滚动先，我哋叫咗小辣，辣度控制唔错，D鸡都几滑，配料亦十分多同埋已经跟埋一碟生菜唔洗加钱，跟住再试个黄酒鸡，呢个系朋友极力推介，个汤超好味呀（最后成煲汤饮晒），出面好少地方有得食，因为我哋得两个人，所以叫唔到太多嘢食，佢哋呢度除咗鸡煲之外仲有小菜，我见隔离枱叫D小菜都好似几好食，同埋见到佢哋碟安格斯牛肉好大碟，但系都系二百零蚊，最后食完埋单都只系三百蚊左右，以呢个价钱真系超值，呢间可以再食，下次多啲人可以打埋边炉。