影片
更多
2012-04-23
47 浏览
土耳其菜系我o既至爱之一. o系众多土耳其菜馆之中,「Istanbul Kebab」系其中一间味道正宗兼水准唔错o既餐馆. 碰o岩上年年底要进修o既关系, 我最初系帮衬佢地o系尖沙咀乐道o既总店, 好味之余, 总觉得o个度o既价钱实在贵到唔成比例 (可能系因为隔离就系「曼联餐厅」, 要齐齐挨贵租o既关系啦!) 后来从佢地o既咭片中得知, 系西九龙中心开o左分店, 由于放工就脚, 所以趁呢排去试o下, 睇o下分店水准拍唔拍得著乐道总店.(注: 呢篇食评包含o左今年4月13日同4月17日两晚o既试菜)新o既分店位于 “西九” 8楼o既美食广场内 (见上图), 舖面干净企理. 呢度供应o既食品, 差唔多九成以上都同乐道总店o既一样. 而最明显o既分别, 就系价钱 - 粗略估计, 同一款食品, 呢度o既售价比乐道总店要平成4成至一半左右! 对我o黎讲当然系喜讯, 因为我可以用少o的弹药去试更多唔同款式o既食品. 我食o左o的乜? 立即介绍:Lavash 「土耳其薄面饼」 (HK$8; 见上图): Lavash 就系平时用o黎包 “卡巴卷” o既薄身面饼. 由于今晚我拣食饭, 所以剩系斋叫一块
(注: 呢篇食评包含o左今年4月13日同4月17日两晚o既试菜)
新o既分店位于 “西九” 8楼o既美食广场内 (见上图), 舖面干净企理. 呢度供应o既食品, 差唔多九成以上都同乐道总店o既一样. 而最明显o既分别, 就系价钱 - 粗略估计, 同一款食品, 呢度o既售价比乐道总店要平成4成至一半左右! 对我o黎讲当然系喜讯, 因为我可以用少o的弹药去试更多唔同款式o既食品. 我食o左o的乜? 立即介绍:
Lavash 「土耳其薄面饼」 (HK$8; 见上图): Lavash 就系平时用o黎包 “卡巴卷” o既薄身面饼. 由于今晚我拣食饭, 所以剩系斋叫一块薄面饼试真o的佢既味道. 手上o既呢块Lavash, 可能因为直接“叮”过o既关系, 比较干水, 饼身变得硬, 无o左Lavash新鲜做起时应有o既烟烟韧韧感觉. 比较失望. 下次食佢, 一定会以卡巴卷o既形式去食, 因为加热时有锡纸封住, 唔会咁易干哂水.
Cecik 「青瓜乳酪」(HK$20; 见上图): 属于餐前o既开胃小品. 顾名思义, 佢系用稀o既乳酪混入青瓜粒、蒜蓉、莳萝、同薄荷调制, 面头淋上薄薄一浸橄榄油同红椒粹用o黎装饰同调味. 用羹拂起, 见到一粒粒o既青瓜同莳萝混集其中(见下图):
佢非常足料. 食落口, 乳酪一o的都唔酸, 虽然沟淡o左, 口感依然丰富, 蒜蓉o既味道渗入乳酪, 好sharp而并不抢喉. Very good! 青瓜粒同莳萝令乳酪带有清凉o既感觉, 捞埋o的橄榄油同唔辣o既红椒粹一齐食, 呢个「青瓜乳酪」作为餐前小食或餐后消滞都咁一流! 满分!
Turkish Salad 「土耳其沙律」(HK$32; 见上图): 份量相当大堆头, 足够三个人分! 材料有蕃茄、青瓜、生菜、红萝卜丝、红椰菜丝、红洋葱丝、土耳其羊奶芝士 (Beyaz Peynir) 同青橄榄, 面头洒上少少红椒粹, 而土耳其沙律汁就沉左o系低. 由于太多料, 我要用另一只空碟分细o的份量至可以捞匀o的沙律o黎食(见下图):
捞好o既沙律, 材料样样新鲜, 由柠檬汁同橄榄油做成o既沙律汁唔算多, 味道清新, 好钟意佢o的柠檬味. 另外我最欣赏o既就系o的羊奶芝士, 粒粒好软好滑又唔会好咸, 真系好味到唔识形容 , Feta Cheese都唔及佢咁好食. 成个沙律好食抵食夹大件, 满分!
Adana Kebab 「亚丹娜串烧免治羊肉卷」(HK$48, 跟土耳其饭同新鲜沙律; 见上图): 呢个原自土耳其南部城市亚丹娜o既串烧, 系用羊肉混入羊尾脂同红椒, 以人手剁成肉酱, 再用烤针串起放系炉上烤熟.眼前呢碟Adana, 羊肉卷串烧仲跟埋一条烤熟o既青辣椒同两件烤蕃茄, 系好地道o既土耳其式制法. 串烧同饭都淋上o系卡巴卷都用到既 “三色酱” - 白色o既乳酪蒜蓉酱、绿色o既薄荷乳酪酱、同埋橙色o既土耳其辣酱, 加埋一份土耳其沙律, 单系份量就已经多过乐道总店成四分一有多, 真系未落肚先兴奋. 羊肉卷食落口(见下图):
羊肉肥瘦均匀, 免治得o黎, 甘香又有烟韧, 证明佢系人手打造不经机器, 难得! 里面o既粒粒红椒渗著醒神o既辣味, 呢度o既亚丹娜串烧实在做得好出色同好好味! 青辣椒同蕃茄烤得岩岩好, 保持湿润; 土耳其饭煮得软绵棉, 所有食品再合配埋 “三色酱” 一齐食, 可以话系近乎完美o既味觉体验! 赞!
Mixed Lamb & Chicken Kebab 「羊肉及鸡肉卡巴」(HK$45, 跟土耳其饭同新鲜沙律; 见上图): 我钟意卡巴肉配饭多过圈埋一旧o既三文治, 所以就要齐两种卡巴肉连土耳其饭一齐食. 呢度o既转转烧水准唔错, 卡巴鸡肉(见下图):
慢火烤熟, 保持住汁同油份, 够晒软滑. 而卡巴羊肉(见下图):
经过慢火暖烤, 又淋又香. 食完又饱又满足, 我完全满意鸡、羊、饭呢个配搭. 总结: 呢间分店食品o既水准同尖沙咀乐道总店不相伯仲, 一样咁好. 讲份量, 呢度多过总店好多; 讲价钱, 呢度平过总店好多. 呢度贯彻o左土耳其菜 平、靓、正o既优点, 以后都唔洗返去乐道总店挨贵菜, o黎呢度食就okay啦!
张贴
