趣意廚 (順景華庭)

营业中

休息中

黎开长沙湾呢头又想食pizza, 本身谂住食pizza hut,但来到发现隔离呢间都系食pizza,咁梗系试下啦。 呢度环境走较型格年青既路线, 都算特别。 我哋叫咗个豪华二人餐,包一份沙律, 一份小食,一个6吋pizza,一个饭,有餐汤同饮品,都非常丰富。 个海鲜饭好足料, d材料舖满成个面,啖啖都食到𩠌。 凯撒沙律d菜都ok,味道唔错, 🐔方面要咗炸鸡同烤鸡,2款都唔会过油,炸粉唔算厚,食落味道都算几好。 到主菜pizza, 6吋pizza 大概系1人份量,个批底都松脆, 芝士好多,加埋吞拿鱼波萝等食落好滋味。 其实佢d份量几好, 2人餐样样都唔会太多但又够食,等你唔驶食到滞! 餐汤方面不过不失啦。