Zakka (已結業)

而家星期五BOOK 枱食晚饭成日都只可以食2小时就要交枱，尤其系铜锣湾，呢间ZAKKA就唔使。不过唔使担心系咪有问题所以小人，其实可能系佢未够出名姐，同埋个地点唔知点解唔系咁旺。言归正传，ZAKKA啲食物系有小品气息的日色西餐。份量适中啱女仔，但男仔就可能要叫多少少。首先食一个南瓜汤，完全FEEL到佢啲营养流入个胃到，佢质地够杰，俾足材料﹗之后要左个薯条做餐前小吃，好热好香口，佢没有脆边，系入口冧冧地，但系味道系好好的先叫左一个烧鸡，佢就OK 啦，我估系雪藏鸡，无乜鸡味，唔算太入味，OK 啦。但系反而个配菜粟米又几甜㖞，俾个LIKE 佢。仲有叫左个咖哩吉烈猪扒，佢系几好味架，我钟意佢多个只鸡。猪肉味同咖哩味攞到个平衡，咖喱甜甜啱我口味﹗最后仲有个甜品士多俾利梳乎厘，佢的士多啤梨超多超大粒，甜度不算太劲，但都新鲜的。梳乎理松软，完全系一个开心晚食的最好完结。其实呢啲小人舖头真系几好，可以俾我地坐好耐吹水，真系FRIDAY NIGHT 吹水夜不二之选呀﹗