隆姐泰國美食館 (已搬遷) 新店位置

真系好少入九龙城，如果唔系同朋友真系好少嚟食。由于平时都系旺角食泰国菜多，所以今次就嚟九龙城试下呢个泰国菜出哂名既地方。睇过好多间，朋友都话冇试过，行到攰咁啱老板向我地招手就入去试下。叫左炒金边粉，海鲜湿炒河同埋椒盐软壳蟹。一嚟到份量系正常size既，不过卖相就还好。个金边粉唔算好重味道同埋好似唔多热，因为啲粉痴住左，好难整开。湿河就似食干炒牛河咁个味道，不过系足料既都有青口个啲。软壳蟹好好食，都几脆身。我地叫左杯泰式奶茶，啱啱饮好甜，过左一阵啲冰溶左啲就啱啱好，不过好快就饮完。最冇谂过食完会送甜品，系蕃薯西米露，甜甜地几好食，有啲想refill呢个。整体嚟讲佢系九龙城算平，冇钱又想食泰国菜可以试下。