麻布茶房 (已結業)

呢度既套餐的确几抵，一个套餐有齐火锅甜品。汤底可选猪骨汤，麻辣汤同蕃茄汤，我加左钱要海鲜同乌龙面。火锅有龙虾丸，娃娃菜，呜门卷等等，肉类可自选鸡肉，牛肉或猪肉。海鲜都叫新鲜，正常味道。我好钟意乌龙面！弹牙有口感，而且附上香葱豉油，捞埋一齐几好食～牛油焗杂菌牛油味不算突出，反而菇味较浓。霜降西冷都可以跟餐，有齐沙律，白饭，汤，主菜同自选甜品。牛肉入面仲系粉红色，不过鞋左少少。冰羽衣甘蓝苹果，味道似青苹果口味，酸酸甜甜。士多啤梨刨冰，附上草莓酱。热辣辣既蕃薯🍠配上冰冻抹茶雪糕，味道几特别，不过蕃薯味好浓偏甜，令到抹茶雪糕味道被盖过左。个人觉得，食厌左吉野家，都可以黎呢度试下，可以用好平既价钱试晒甜品同打边炉。