鳥元炸雞專門店

营业中

休息中

呢间新开餐厅系荃湾，系一间以立食为主、有少量位置的餐厅。餐厅的装潢设计简单，将有的𩠌菜都贴晒出嚟！最重要系连叉电位都有呀！行到攰又无晒电真系可以系度快速充电喔！餐厅食物其实不是非常多款，但胜在每款都好吸引，而且以一间外卖店或立食店来说，都已经好足够了！等紧食物的时候发现原来在餐厅的领餐处有好多摆设的，而且每个摆设装饰都好特别，仲好cross over添整整齐齐的各款特饮、日本酒款都有，想同朋友放工后饮两杯倾下计都可以呀！呢款系元祖鸟元炸鸡，老板话炸鸡非油炸，而是用秘制鸡汤来炸的。所以食落时鸡肉会嫩滑多汁。套餐是跟埋一个饭的，今次点了鸡皇饭，非常正！而且仲好多料添另外点了两款小食，一款是炸芝士春卷，另一款是一字手羽。芝士春卷即叫即炸，所以一定要即食一条，芝士会系口入面融化出嚟，真心正！而一字手羽更加系懒人必食，因为一口咬就已经可以甩骨了。