臻味冰室豬扒酸辣米線

营业中

休息中

自己一个去谂住试试佢嘅酸辣猪扒米线，而入座发现被安排坐系一张二人枱，但右手边有一张四人格坐紧两位女食客，其实我同佢哋枱与枱之间相隔少得可怕，只有大约几折手指折位，之间亦冇隔板阻隔😖反而左边就有隔板，想手移隔板过右边隔一隔，但原来系lock实咗。疫情期间咁样进食，令成个进食过程令我好惊🤢同埋虽然室内有冷气，但都几热下。我叫咗酸辣猪扒米线同冻柠茶，得知酸辣可以另上，所以唔系咗食得辣嘅我叫咗另上，而冻柠茶侍应姐姐亦会落单时提醒系单点，同埋酸辣会系有麻嘅，而出餐速度都几快。酸辣猪扒米线会配有脆花生同芫茜葱，汤唔系香浓个种，米线唔会系发胀晒，质地正常👌🏻三十尾嘅价钱嚟讲其实都算几抵，猪扒份量都几多😯但作为猪扒命名同出名嘅专门店，可能令我有所期望，食落其实并冇特别，觉得同普通茶记冰室个啲猪扒冇咩分别，首先猪扒唔系好厚个啲，亦唔会咬到猪扒肉质纤维咬断嘅质地，味道亦都一般，唔系好食到完全天然嘅腌制味同质地。反而个酸辣有惊喜，几啱我口味👍🏻酸菜系茎位切粒，所以会有脆脆咬口，咬落亦会有啲啲酸菜菜汁，味道上比较偏酸啲啲，加上辣得嚟会有麻，有齐酸辣麻层次，有辣香唔会太辣搅到辣到咩味都食唔到。而冻柠茶正常水平。