韓日屋燒烤放題 (已結業)

每个圈子都总有个粮尾餐厅List，而我同朋友的粮尾韩烧就系呢间韩日屋。无他既，够平又够多野食嘛，一间有齐日本野、韩国野，仲想点先？坐底就即点刺生，都算切得好大件，而且睇落够冻够新鲜，入口都正常，算系唔错的放题水准。点左小食，最好味系酱油虎虾，入口软绵甘甜，加埋酱油咸香好正，全晚Order左10次以上！牛肉比想像中大片好多，同埋肥瘦分布均匀，烧完唔会鞋口，辣味同麻酱味都可以试下。除左肉，仲有海鲜可以拣，我个人觉得虾好味，入口系弹牙，不过因为懒得剥壳，所以食左一转就收工。