首首.韓式小館 (已結業)

利東街，好多貴餐廳，首首算唔太貴。無訂位，入到去環境暗暗，非常浪漫！待應都幾有禮貌。今日都係飽肚為主：燒牛肉伴飯($128)：賣相傳統，牛肉味道唔錯，但無驚喜。牛肉炒粉絲($98)：牛肉無伴飯咁好食，但香港好少食到韓式炒粉絲唔油，OK。泡菜海鮮煎餅($108)：呢個有驚喜！上枱美美的，色彩鮮艷，味道微酸微辣，外脆內軟，仲有粒蝦，正！另外，餐廳免費提供前菜兩碟，有泡菜，蘿蔔，同埋唔知乜，記得添食啊！