海都車仔麵茶餐廳

营业中

休息中

今晚会同老公出去食饭，所以晏昼就唔想食咁多，于是就去旺角熟食中心食碗车仔面。除左有六十几款嘅𩠌任拣之外，面底都有九款。枱上有香葱、辣椒油、红醋、豆瓣酱、辣椒酱，客人可按照自己嘅口味任加。除咗车仔面，呢度都有即叫即炒嘅碟头饭餐，而且价钱都唔贵。但眼见大部分客人都系食车仔面。猪红咖哩斋萝卜河粉 + 冻柠檬茶 $33$33 有三𩠌包埋嘢饮好抵，𩠌嘅份量都多，猪红大大件微辣，咖哩斋好入味， 萝卜冇渣好好食。河粉就比较碎， 用筷子食就比较困难。嘢饮唔理热定冻都唔使加钱。