又一戟 (已結業)

之前黎过几次见到未有机会食呢间，今次扫完街个胃有空位啦！拣左佢张图外观唔错既 oreo 食…拣左云呢拿雪糕球人唔算好多，等左一阵就拎得～由于唔太方便系人多挤迫地方拎住周围行，张相我已经食左个边同块饼但系个外型同佢递俾我果阵差不多，我一见到外型好似…同佢痴系到果张图唔太一样㖞～点解张图豪华咁多，定系影相角度问题？饼皮：薄得黎又有Ｄ软Ｑ咬感，唔错，我几钟意～唔会觉得太厚皮到食两啖就唔想食雪糕：味道入得下口！同普通雪糕冇分别，唔独特～Cream：一开始食，上部份因为有云呢拿雪糕支撑，就冇留意，开始食完中层，黎到中低层，入面就全部系Cream，味道现形……好味既Cream系可以令我食完都唔觉得Heavy仲想食哂，滑而且有一种奶香味…由于我食过好味既Cream…完全食唔惯依种…帘价Cream共通点吧…轻抛抛﹑油腻﹑好漏虽然已经努力食埋，但最后顶唔到丢左…赞一赞佢整到底 d cream上面都仲有少量oreo碎，唔系得cream…。呢个价钱唔好望有好味Cream，食上半部份基本上觉得仲可以，下半部我放弃…。口痕平平地食都还可以，但cream唔想食会唔会再光顾：可能下次会试下咸食，始终个皮系唔错既