肥仔記麵食

营业中

休息中

之前睇咗网评几好 就去试食呢间面店，入到去叫咗一个牛腩云吞米粉，叫完之后想叫多个炸鱼皮，叫阿姐加单 点知即刻畀阿姐用好恶嘅态度照顾，好恶咁问点解唔一齐嗌，我心谂如果我系之前想食我都会一齐叫，但系突然间想再另加咁未分开叫啰，其实食肆追加都系好正常既事，唔明点解个阿姐要咁恶，话完我之后拎个牛腩云吞米过嚟无人认头，我问系咪我的佢又坚持唔系我 (恶劣态度中)，要等到第二个职员问都系冇人认先肯畀我，其实叫嘢再另加𩠌都好平常，但阿姐嘅态度系好恶劣，我好似得罪咗佢，唔知系咪新香港人嘅关系定间食肆问题，所以要受呢种服务，系度食食到一肚气。另外呢间面店好多味精, 啲嘢好咸 + 牛腩好韧 + 炸鱼皮唔好食. 咁多公公婆婆去食，我谂系因为佢有一蚊杯豆浆。